ԱՄՆ պետքարտուղար Էնթոնի Բլինկենը հուսով է, որ մարդասիրական օգնությունը Գազա կմտնի Եգիպտոսի և Գազայի հատվածի միջև գտնվող Ռաֆահ սահմանային անցակետով։

Ինչպես նշել է Բլինկենը, Ռաֆահի անցակետը կվերաբացվի, սակայն նա կոնկրետ ժամկետ չի նշել։

«Մենք և Եգիպտոսը նյութական օգնություն ենք ցուցաբերել Գազայում գտնվող մարդկանց, և Ռաֆահի սահմանային անցակետը կվերաբացվի: Մենք գործարկել ենք մեխանիզմ ՄԱԿ-ի, Եգիպտոսի, Իսրայելի եւ այլոց հետ, որի միջոցով օգնություն կտրամադրենք»,- ասել է Բլինկենը։

Ավելի վաղ լրատվամիջոցները հայտնել էին, որ Իսրայելը համաձայնել է Գազայի հատվածի հարավային հատվածում ժամանակավոր հրադադարի հաստատմանը և Եգիպտոսի և Գազայի հատվածի միջև Ռաֆահ սահմանային անցակետի բացման մասին։ Ավելի ուշ Իսրայելի վարչապետ Բենիամին Նեթանյահուի գրասենյակը հայտարարություն է տարածել, որում նշվում է, որ Իսրայելի կառավարությունը հերքում է Գազայի հարավային հատվածում հրադադարի մասին լուրերը։ Իսրայելի վարչապետի գրասենյակը նաեւ հայտարարել է, որ համաձայնություն չկա Եգիպտոսի եւ Գազայի հատվածի միջեւ Ռաֆահ սահմանային անցակետի բացման վերաբերյալ։