«Մենք և շատ այլ երկրներ ոչ միայն մտահոգություն ենք հայտնել օրենքի ընդունման վերաբերյալ, այլ նաև միջոցներ ենք ձեռնարկել այդ մտահոգությունն արտահայտելու համար, կարծում եմ՝ ավելին կտեսնեք»,- ասել է ԱՄՆ պետքարտուղար Էնթոնի Բլինկենը Վրաստանում ընդունված «Օտարերկրյա քաղաքացիների թափանցիկության մասին» օրենքի վերաբերյալ:

Բլինկենը մասնակցել է Բրուքինգս ինստիտուտի քննարկմանը ԱՄՆ արտաքին քաղաքականության վերաբերյալ։ Քննարկման ժամանակ ԱՄՆ պետքարտուղարին հարց ուղղվեց Վրաստանի, մասնավորապես, առաջիկա խորհրդարանական ընտրությունների, «Օտարերկրյա ազդեցության թափանցիկության մասին» օրենքի և առհասարակ, Հարավային Կովկասի մասին Բլինքենին հարցրել են, թե ինչպիսի՞ն է ԱՄՆ-ի տեսակետը տարածաշրջանում գլոբալ տերությունների շահերի վերաբերյալ։

«Դուք իրավացիորեն մատնանշել եք տարածաշրջանում տեղի ունեցող հսկայական փոփոխությունները։ Մենք շատ լուրջ մտահոգություններ ունենք, բայց ունենք նաև իրական հնարավորություններ։ Դուք նշեցիք Վրաստանի «Օտարերկրյա գործակալների» օրենքը։ Մենք և շատ այլ երկրներ ոչ միայն մեր խորը մտահոգությունն ենք հայտնել այս, հատկապես դրա ընդունման վերաբերյալ, այլև քայլեր ենք ձեռնարկել այդ մտահոգությունն արտահայտելու համար։ Կարծում եմ՝ դուք էլ ավելին կտեսնեք։ Սա ակնհայտ է. Կարծում եմ՝ սա դեմ է Վրաստանի եվրոպական ուղղությանը, որը ցանկանում է Վրաստանի մեծամասնությունը և վրացի ժողովուրդը։ Այսպիսով, մենք տեղյակ ենք այդ մարտահրավերների մասին, այդ թվում՝ Վրաստանում։ Մենք նույնպես շատ կենտրոնացած ենք որոշակի հնարավորությունների վրա, եւ այդ հնարավորություններն իրական են»,- ասել է Էնթոնի Բլինկենը։