«Ազգային շարժման» ներկայացուցչի հայտարարությունը «ԷնգուրՀԷԿ»-ի աշխատակիցների նույնականացման քարտերը բռնագրավելու մասին կատարյալ սուտ է,- ասված է «ԷնգուրՀԷԿի»-ի հայտարարության մեջ։

Ինչպես նշվում է հայտարարության մեջ, դրա ոչ մի ապացույց ֆիզիկապես չի կարող գոյություն ունենալ։

«Ցանկանում ենք արձագանքել «Միացյալ ազգային շարժման» Զուգդիդի կազմակերպության նախագահ Աննա Ծիթլիձեի հայտարարությանը, որը «ԷնգուրՀԷԿ» ՍՊԸ-ի տնօրենների խորհրդի նախագահ Լևան Մեբոնիայի և «ԷնգուրՀԷԿ» ՍՊԸ-ի վարկաբեկման արշավի շարունակությունն է:

Ըստ այդմ, Անա Ծիթլիձեի զրպարտչական մեղադրանքների հռետորաբանությունը ընտրությունից ընտրություն անփոփոխ է։ Մենք կտրականապես հայտարարում ենք, որ «Միացյալ ազգային շարժման» ներկայացուցչի հայտարարությունը ««ԷնգուրՀԷԿ»-ի աշխատակիցների նույնականացման քարտերը բռնագրավելու մասին կատարյալ սուտ է և ապատեղեկատվություն։Նման բան երբեք չի եղել, հետևաբար, ոչ մի «ապացույց» ֆիզիկապես չի կարող լինել»,- ասված է հայտարարության մեջ։

Հայտարարության համաձայն՝ Էնգուրիի կամրջի փակման վերաբերյալ ռուս օկուպանտների հետ բանակցությունների մասին տեղեկությունները նույնպես չեն համապատասխանում իրականությանը։

«Ինչ վերաբերում է երկրորդ, էլ ավելի լուրջ ու զրպարտիչ մեղադրանքին՝ Էնգուրիի կամրջի փակման վերաբերյալ ռուս օկուպանտների հետ բանակցություններին, ապա այս «տեղեկատվությունը» նույնպես լիովին անհեթեթ է և առանց որևէ հիմքի։ Եվս մեկ անգամ ցանկանում ենք պարզաբանել, որ Անա Ծիթլիձեն նպատակաուղղված արշավ է իրականացնում, որի նպատակն է վարկաբեկել ոչ միայն Լևան Մեբոնիային, այլև «ԷնգուրՀԷԿ» ՍՊԸ-ն և նրա աշխատակիցներին։ Նման զրպարտչական հայտարարություններով նա աչքի էր ընկնում նաեւ նախորդ տարիներին։ Ուստի մենք իրավունք ենք վերապահում հետագա արձագանքի համար դիմել համապատասխան մարմիններին, որպեսզի նմանատիպ հայտարարությունները պատշաճ քննության ենթարկվեն և տրվի իրավական պատասխան»,- ասված է հայտարարության մեջ։