Էնդի Բերնեմ. «Մենք կապ ենք հաստատում Իսպանիայի կառավարության հետ, որպեսզի նրանց օգնություն ցույց տանք»

Մեծ Բրիտանիայի վարչապետ Էնդի Բըրնհեմը հայտարարել է, որ Իսպանիա միգրանտների մուտքի հետ կապված իրավիճակը «մտահոգիչ» է։

Նրա խոսքով՝ Բրիտանիայի կառավարությունը կապ է հաստատել Մադրիդի հետ՝ իրավիճակի հետևանքները պարզելու և անհրաժեշտության դեպքում օգնություն ցուցաբերելու համար։

«Անշուշտ, դա առաջին հերթին Իսպանիայի կառավարության հարցն է, սակայն մտահոգության տեղիք է տալիս։ Մենք կապ ենք հաստատում Իսպանիայի կառավարության հետ, որպեսզի նրանց աջակցություն ցուցաբերենք», — նշում է Բըրնհեմը։

«Ռոյթերս»-ը գրում է, որ Բրիտանիան տարիներ ի վեր փորձում է կանխել անօրինական միգրանտների մուտքը սեփական ափեր։ 2025 թվականին Անգլիայի հարավային ափ փոքր նավակներով հասել է մոտ 41 հազար մարդ։

Ինչպես նշում է Բըրնհեմը, կառավարությունն առաջընթաց է գրանցում. սահմանահատումների դեպքերի թիվը նվազում է, իսկ Բրիտանիայից արտաքսված անձանց թիվը՝ ավելանում։

Ի գիտություն՝ Իսպանիայի անվտանգության ուժերի նախնական գնահատմամբ՝ վերջին 24 ժամում Իսպանիայի հյուսիսաֆրիկյան անկլավ Սեուտա է մուտք գործել Մարոկկոյից մոտ 49 հազար միգրանտ, որոնցից առնվազն յոթ հազարն անչափահաս են։ Բացի այդ, «Ասոշիեյթեդ Փրես»-ի տեղեկություններով՝ Իսպանիայի անկլավ Սեուտա հասնելու փորձի ժամանակ առնվազն 18 միգրանտ է զոհվել։