«Էնբիսի նյուս»-ի հարցումների համաձայն, Իրանի պատերազմի և գների աճի ֆոնին Դոնալդ Թրամփի վարկանիշը նոր ցածրակետի է հասել: Մարտի 30-ից ապրիլի 13-ը անցկացված հարցումը ցույց է տալիս, որ հարցված մեծահասակների միայն 37%-ն է հավանություն տալիս Թրամփի նախագահական գործունեությանը:

Հարցվածների կեսը խիստ բացասական կարծիք ունի նրա գործունեության մասին, մինչդեռ 63%-ը ընդհանուր առմամբ չի հավանում նրա աշխատանքը: Սա նրա երկրորդ ժամկետի ամենացածր մակարդակն է:

Հարցվածների երկու երրորդը դժգոհ է Թրամփի գործունեությունից ինչպես գնաճի, այնպես էլ Իրանի հետ պատերազմի հարցում:

Հարցվածների միայն մեկ երրորդը կարծում է, որ երկիրը շարժվում է ճիշտ ուղղությամբ, մինչդեռ երկու երրորդը կարծում է, որ ԱՄՆ-ն սխալ ճանապարհով է գնում:

Հարցման համաձայն՝ հարցվածների 40%-ը նշել է, որ իրենց ֆինանսական վիճակը վատթարացել է վերջին մեկ տարվա ընթացքում, մինչդեռ միայն 19%-ն է կարծում, որ այն բարելավվել է:

Հարցումն անցկացվել է առցանց, և դրան մասնակցել է 32,433 մարդ: Սխալի սահմանը 1.8 տոկոսային կետ է։