Ֆրանսիայի նախագահ Էմանուել Մակրոնի խոսքով՝ «Կրոկուս Սիթի Հոլի» վրա հարձակման համար Ուկրաինային մեղադրելը ցինիկ և հակաարդյունավետ կլինի Ռուսաստանի և նրա քաղաքացիների համար։

«Մենք պետք է զգույշ լինենք հարձակման ցանկացած գործիքավորումից»,- ասել է Մակրոնը լրագրողների հետ զրույցում։

Միաժամանակ, ինչպես գրում են լրատվամիջոցները, Ֆրանսիայի նախագահը համերաշխություն է հայտնել ռուս ժողովրդին և հավելել, որ Ֆրանսիան Մոսկվային օգնություն է առաջարկել հետախուզության ոլորտում։

Ինչպես բացատրում է Մակրոնը, Ֆրանսիան իր հիմնական գործընկերների հետ միասին կարծում է, որ հարձակումը ծրագրել և իրականացրել է «Իսլամական պետությունը»։

Էմանուել Մակրոնի խոսքով՝ նույն կազմակերպությունը վերջին ամիսներին մի քանի փորձ է կատարել ֆրանսիական հողի վրա հարձակվելու, ինչի պատճառով Ֆրանսիայի կառավարությունը որոշել է բարձրացնել երկրում ահաբեկչական սպառնալիքի մակարդակը։