Էմանուել Մակրոն. Ուսանողներն իրավունք ունեն բողոքելու, բայց հրամայել ուսումնական հաստատությանը չկիրառել այս կամ այն քաղաքականությունը, այլ ուսանողների չթողնել դահլիճներ՝ հրեա լինելու պատրվակով, սա Ֆրանսիայի Հանրապետությունը չէ
Ֆրանսիայի նախագահ Էմանուել Մակրոնն արձագանքել է պաղեստինցիներին աջակցող ուսանողների գործողություններին։
Ինչպես գրում են ֆրանսիական լրատվամիջոցները, Էմանուել Մակրոնը կարծում է, որ ուսանողներն իրավունք ունեն բողոքի ակցիաներ կազմակերպել եւ արտահայտել իրենց կարծիքը։
«Սակայն հրամայել ուսումնական հաստատությանը չկիրառել այս կամ այն քաղաքականությունը՝ ուժի կիրառմամբ և դահլիճներում արգելափակելով մյուս ուսանողներին՝ պատրվակով, որ նրանք հրեաներ են, սա Ֆրանսիայի Հանրապետությունը չէ», – ասել է Մակրոնը։
Տեղեկատվության համար, անցյալ շաբաթ Ֆրանսիայի մի քանի բարձրագույն ուսումնական հաստատություններում պաղեստինամետ ցույցեր են անցկացվել։ Դրանց թվում՝ Sciences Po-ում և Sorbonne համալսարանում։
