«Էմ Բի Սի» միկրոֆինանսական մասնաճյուղերից մեկի վրա հարձակվողի փաստաբան, Իրմա Ճկադուան ասում է, որ Լևան Զուրաբաշվիլին միկրոֆինանսական կազմակերպությունում գտնվողներից և նրանց ընտանիքի անդամներից ներողություն է խնդրել

Զահեսի նախնական ձերբակալության մեկուսարանում էին գտնվում Լևան Զուրաբաշվիլիի փաստաբանները, որոնք ներկա են գտնվել հետաքննչական գործողություններին:

Զուրաբաշվիլին դեռ օգտագործում է լռության իրավունքը: Փաստաբանները դեռ չեն ստացել գործի նյութերը և ենթադրում են, որ դրանք կհանձնվեն մինչև օրվա վերջ:

Նրանք լրատվամիջոցների մոտ պարզաբանել են, որ կալանավորի խնդրանքն է, որ ներողություն փոխանցեն միկրոֆինանսական կազմակերպության հաճախորդներին, և նրանց ընտանիքի անդամներին:

«Նրա խնդրանքն է, որ ներողությունից սկսենք այն մարդկանցից, ովքեր գտնվել են միկրոֆինանսական կազմակերպությունում և նրանց ընտանիքի անդամներից: Նա նրանցից ներողություն է խնդրում: Հետաքննությունը նրանից վերցրել է հագուստը, բնականաբար մենք ամեն ինչ փոխանցեցինք: Նա պատրաստ է լիովին համագործակցել հետաքննության հետ և տրամադրել իրենց անհրաժեշտ բոլոր տեղեկությունները: Գործի նյութերը շուտով կփոխանցվեն մեզ: Վաղը նրան մեղադրանք է առաջադրվելու: Բացարձակապես տեղյակ լինելով իր արածին, նա ասում է, որ կշարունակի պայքարել այս գաղափարի շուրջ: Նրանից ցուցմունք դեռ ոչ ոք չի վերցրել»,- հայտարարել է Իրմա Ճկադուան: