Էլիսո Բոլքվաձե. Մշակույթն առանձնահատուկ դեր է խաղում երկրի սոցիալ-տնտեսական զարգացման գործում, ուստի մեր թիմի նպատակն է նպաստել ստեղծագործական արդյունաբերությանը
«Վրացական երազանքի» հատուկ առաջնահերթություններից է մշակութային ժառանգության մասին հոգալն ինչպես երկրի ներսում, այնպես էլ դրա սահմաններից դուրս»,- այս մասին Քութաիսիում հայտարարել է «Վրացական երազանքի» ընտրացուցակի անդամ Էլիսո Բոլքվաձեն՝ կրթության, մշակույթի, սպորտի և երիտասարդության քաղաքականության ուղղությամբ ընտրական ծրագրի շնորհանդեսին:
Նրա հայտարարությամբ, հատուկ ուշադրություն է դարձվելու արվեստի ոլորտում նորարարական մեթոդների ու տեխնոլոգիաների ներդրմանը, վրացական բազմաձայն երաժշտության և բանահյուսության խթանմանը, թատերական և գրական ոլորտի զարգացմանը:
«Ժամանակակից աշխարհում մշակույթը մեծ դեր ունի ազգերի մերձեցման գործում: Տարբեր ինքնություն ունեցող ժողովուրդների մշակութային կապերը հարստացնում են միավորված Եվրոպայի գաղափարը և նպաստում մարդկության զարգացմանը ամբողջ աշխարհում: Վրաստանն իր հարուստ պատմությամբ և նկրտումներով հնագույն և ականավոր երկիր է, որն իր արժանի տեղն է զբաղեցնում ժամանակակից աշխարհում: Այս ավանդույթը շարունակելու և մեր դիրքերն ամրապնդելու համար մշակվել է «Վրացական երազանքի» հաջորդ քառամյա ծրագիրը, որը մենք ուրախ ենք ներկայացնել:
Նախ ուզում եմ նշել, որ 2021 թվականի աշնանը պատմական Քութաիսի քաղաքում տեղի կունենա Եվրոպայի խորհրդի ամենակարևոր միջազգային ֆորումը և այն Քութաիսին կդարձնի մշակույթի մայրաքաղաք: Մշակույթը, առաջին հերթին, հոգևոր և գեղագիտական սնունդ է, ինքնարտահայտման և ինքնության իրական միջոց: Միևնույն ժամանակ, մշակույթն առանձնահատուկ դեր է խաղում երկրի սոցիալ-տնտեսական զարգացման գործում: Այդ պատճառով մեր թիմը նպատակ ունի առավել խթանել և խրախուսել ստեղծագործական արդյունաբերությունը: Կարևոր է վերականգնել վրացական պատմական հուշարձանները՝ մշակութային տուրիզմի և փառատոնային ծրագրերի պատշաճ զարգացման միջոցով: Նախատեսվում է վրացական օրեր անցկացնել Եվրոպայի տարբեր քաղաքներում, ինչը կօգնի հանրահռչակել երկիրը և դիրքավորել այն աշխարհում:
«2022 թվականին Եվրոպայում և Բենելյուքսի երկրներում վրացական մշակույթի տոնակատարություն է նախատեսվում: Բելգիայի թագավորական ընտանիքի հովանու ներքո «Եվրոպալիա» փառատոնը ամբողջությամբ նվիրված կլինի Վրաստանին», – հայտարարել է Էլիսո Բոլքվաձեն:
Ինչպես նա նշեց իր խոսքում, «Վրացական երազանքի» հատուկ առաջնահերթություններից է մշակութային ժառանգության մասին հոգ տանելը ինչպես երկրի ներսում, այնպես էլ նրա սահմաններից դուրս:
«Շարունակվելու են լայնածավալ վերականգնողական աշխատանքների գործընթացը և վրացական հուշարձանների առաջադրումը համաշխարհային ցուցակում: Պետությունը կշարունակի խթանել վրացական բազմաձայն երաժշտությունն ու բանահյուսությունը՝ ազգային ինքնությունը ներկայացնելու նպատակով: Երաժշտության և արվեստի ժամանակակից չափանիշները զարգացնելու համար կշարունակվեն ստեղծվել և ներկայացվել ազգային և միջազգային փառատոններ և մրցույթներ:
Վրացական գեներն առանձնանում են բարձր տաղանդով, ուստի հատուկ ուշադրություն կդարձվի արվեստի ոլորտում նորարարական մեթոդների ու տեխնոլոգիաների ներդրմանը: Ինչպես նաև երիտասարդ նկարիչների նախաձեռնությունների խթանմանը և հեռանկարների ընդլայնմանը: Որպես այս երկրի քաղաքացի և վրացի արվեստագետ, ես հասկանում եմ խթանման և մոտիվացիայի գինը, քանի որ ես և իմ սերնդի արվեստագետները դժվար ժամանակներ ենք ապրել Վրաստանում: Հետևաբար, պետությունը կընդլայնի կրթաթոշակային ֆոնդերը բացառիկ ստեղծագործական տաղանդ և հմտություններ ունեցող երիտասարդների համար, ինչը ճանապարհ կբացի նրանց հաջողության համար», – հայտարարել է Բոլքվաձեն:
Նրա խոսքով, «Վրացական երազանքի» առաջնահերթություններից մեկը կլինի ազգային կինեմատոգրաֆիայի ու ենթակառուցվածքային հարթակների զարգացումը, ինչպես նաև վրացական կինոյի գլուխգործոցների հանրահռչակումը:
«Շարունակվելու է աջակցությունը համատեղ միջազգային նախագծերին և կինոժառանգության թվայնացման գործընթացին: Կարևոր գործոն է թատերական և գրական ոլորտի զարգացմանը նպաստելը: Կարևոր գործոն է վրացական գրերի և հրատարակչական սեկտորին աջակցությունը, ինչպես Վրաստանում, այնպես էլ հայտնի միջազգային հարթակներում: Վրացական մշակույթն ու արվեստը միշտ եղել են, կան և կլինեն միշտ ժողովրդի ծառայության առաջնագծում: Այդ նպատակով են մշակվել հատուկ ծրագրեր մշակույթի մատչելիության, հատկապես երկրի մարզերում մշակութային կյանքի ակտիվացման համար: Շարունակվելու է կարևոր ենթակառուցվածքային նախագծերի իրականացումը արվեստի, կրթական հաստատությունների ստեղծագործակալ գործունեության որակի բարձրացման համար, թարմացվելու է նյութատեխնիկական բազան, այդ թվում երաժշտական գործիքներով ապահովումը:
Ցանկանում եմ շնորհակալություն հայտնել բոլոր այն մարդկանց, ովքեր համաճարակի ընթացքում չեն խնայել էներգիա և ունկնդրին առաջարկել են հարմարեցված ձևաչափով, ստեղծագործական, բազմազան երաժշտական հաղորդումներ, և այդպիսով Վրաստանը միացրել են մշակույթը փրկելու գլոբալ գործընթացին: «Վրացական երազանքի» կողմից մշակված բազմակողմանի մշակութային ռազմավարության մշակման ծրագիրը նախապայման է Վրաստանի միջազգային տարածքում հատուկ տեղ հաստատելու համար, ինչը էապես կարագացնի երկրի եվրաինտեգրման գործընթացը: Արվեստը միավորում է ազգերին և մշակութային դիվանագիտությունը խաղաղության ամենահուսալի երաշխիքն է», – հայտարարել է Էլիսո Բոլքվաձեն:
