«Իմ վերաբերմունքը հոկտեմբերի 4-ի ցույցի նկատմամբ մնում է նույնը», – այս մասին «Դրոա» կուսակցության առաջնորդ Ելենե Խոշտարիան գրել է սոցիալական ցանցում։

Ինչպես նշում է Խոշտարիան, ընդդիմությունը կհաղթի ճիշտ գաղափարի շուրջ միավորված։

«Այսօր իմ նախաձեռնությամբ հանդիպեցի Լևան Խաբեիշվիլին։ Նաեւ ունեցել եմ շփում «Ազգային շարժման» առաջնորդների հետ։

Իմ վերաբերմունքը հոկտեմբերի 4-ի ցույցի վերաբերյալ, պատճառները, թե ինչու չպետք է հայտարարենք փոփոխությունների ամսաթվեր, ինչու պետք է խնայենք յուրաքանչյուր քաղաքական խոստում և խոսք՝ մնում է նույնը։ Միևնույն ժամանակ լիովին հասկանում եմ, որ այս վեճերը հասարակությանը չպետք է պարտադրենք, առավել ևս՝ կոշտ ձևերով։

Ուզում եմ հարգանքս հայտնել համագործակցությունում և պայքարում գտնվող բոլոր մարդկանց և կուսակցությունների նկատմամբ, իսկ այս կոնկրետ դեպքում՝ Թինա Բոքուչավայի և Լևան Խաբեիշվիլիի նկատմամբ։ Ճիշտ գաղափարի շուրջ միասնությամբ մենք կհաղթենք։ Ներողություն եմ խնդրում հասարակության բոլոր անդամներից, ում էներգիան ծախսվեց այս դրվագի վրա», – գրել է Խոշտարիան։