«El Pais» հրատարակություն. ՆԱՏՕ-ի երկրների զինվորականներն արդեն ներկա են Ուկրաինայի տարածքում, սակայն մարտական գործողություններին չեն մասնակցում
ՆԱՏՕ-ի երկրների զինվորականներն արդեն ներկա են Ուկրաինայի տարածքում, սակայն նրանք չեն մասնակցում մարտական գործողություններին,- այս մասին գրում է իսպանական «El Pais» հրատարակությունը։
Իսպանական հրատարակության համաձայն՝ Ուկրաինայում ՆԱՏՕ-ի զինվորականները վերահսկում են Ուկրաինային հատկացվող սպառազինությունը, իրականացնում հետախուզական գործողություններ ու վարժանքներ։
«Էմանուել Մակրոնը խախտեց տաբուն. Մակրոնը ոչ միայն բացեց բանավեճը, այլ նրա խոսքերը ծառայեցին հաստատելու, որ ՆԱՏՕ-ի երկրների զինվորականներն արդեն ներկա են Ուկրաինայի տարածքում՝ չնայած մարտական գործողություններին չմասնակցելու», – ասվում է հոդվածում։
«El Pais»-ը գրում է, որ Ուկրաինայում ՆԱՏՕ-ի զորքերի ներկայությունը հաստատել է Լեհաստանի արտաքին գործերի նախարար Ռադոսլավ Սիկորսկին, թեեւ չի հստակեցրել երկրները։