Էկոնոմիկայի և կայուն զարգացման փոխնախարար Գուրամ Գուրամիշվիլին հանդիպել է Ռումինիայի տրանսպորտի և ենթակառուցվածքների նախարարության պետքարտուղար Ադրիան Ֆոգի հետ և նրա հետ քննարկել Սև ծով-Կասպից ծով տրանսպորտային միջանցքի ստեղծման մասին քառակողմ համաձայնագրի ստորագրման հարցը։

Հանդիպումն անցկացվել է «Թբիլիսիի մետաքսի ճանապարհի ֆորումի» շրջանակներում։

Հանդիպմանը հատուկ ուշադրություն է դարձվել երկկողմ և տարածաշրջանային համագործակցության ամրապնդման շրջանակներում Սև ծով-Կասպից ծով տրանսպորտային միջանցքի ակտիվացմանը։ Փոխնախարարն ընդգծել է Ռումինիայի կարևորությունը տարածաշրջանային տրանսպորտի և նյութատեխնիկական ապահովման գործընթացներում։

Զրույցի ընթացքում անդրադարձ է եղել Վրաստանի և Ռումինիայի միջև Սև ծովում ծովային լաստանավային երթևեկության ինտենսիվության ավելացմանը։

Ի վերջո, կողմերը պայմանավորվել են շարունակել համագործակցությունը՝ առաջնահերթ ուղղությունները խորացնելու նպատակով։

Տեղեկությունը տարածում է Վրաստանի էկոնոմիկայի և կայուն զարգացման նախարարության մամուլի ծառայությունը։