Միխեիլ Սաակաշվիլին կարծում է, որ պետք է ձեռնպահ մնալ մանդատները թողնելուց մինչև սահմանադրական ընտրություններ,- Ռուսթավիում Վրաստանի նախկին նախագահ Միխեիլ Սաակաշվիլիի 12-րդ քրեակատարողական հիմնարկ այցելելուց հետո լրագրողներին ասաց «Միացյալ ազգային շարժման» անդամ Էկա Խերխեուլիձեն։

Նրա խոսքով, Սաակաշվիլին երկու դետալ է համարում կարևոր՝ խորհրդարանից «Ազգային շարժման» հեռանալու հետ կապված:

«Վիզուալ առումով կարծես թե արդեն լուրջ թուլություն կա։ Նրա դիրքորոշումը հացադուլի վերաբերյալ անփոփոխ է: Ինչ վերաբերում է ընթացիկ հարցերին, խորհրդարանի բոյկոտի վերաբերյալ իր դիրքորոշմանը, ապա նա կարծում է, որ «Ազգային շարժում» խմբակցությունը բարոյապես և իրավական առումով լավ կլիներ լքել խորհրդարանը, սակայն Սահակաշվիլին երկու դետալ է համարում կարևոր:

Ես այսօր նրա մոտ էի և քիչ առաջ դուրս եկա, դա կարողացա անել միայն այն պատճառով, որ ունեմ Վրաստանի խորհրդարանի մանդատը։ Այս հնարավորությունը լիովին մեռնում է, և նա դրա մեջ մեծ ռիսկ է տեսնում, երբ թիմակիցների հետ շփման ձևն ամբողջությամբ փակվում է։ Երկրորդը նաև սահմանադրական քվեարկությանն է վերաբերում։ Ես ուղղակիորեն կրկնում եմ նրա խոսքերը, սա պարտավորություն է վրաց ժողովրդի հանդեպ, և մենք պետք է այն կատարենք։ Այն, որ մենք բոյկոտի ռեժիմում ենք և չենք մասնակցելու ո՛չ խորհրդարանական, ո՛չ կոմիտեի աշխատանքներին, այդպես էլ կլինի, Սաակաշվիլին նույն դիրքորոշման է, բայց այս երկու գործոնները պետք է բավարարել։ Նա կարծում է, որ պետք է ձեռնպահ մնալ մանդատները թողնելուց մինչև սահմանադրական ընտրություններ», – ասել է Էկա Խերխեուլիձեն։

Միխեիլ Սաակաշվիլին նամակ է տարածել, որտեղ նշել է, որ իր խորհուրդը կլինի խորհրդարանում գտնվող բոլոր համախոհներին ու պարկեշտ մարդկանց՝ ընդօրինակել Մամուկա Խազարաձեին և «Երազանքին» թողնել մենակ: