Իրանի «Ղուդս» ուժերի հրամանատար Էսմայիլ Խանը, ում մահվան մասին հաղորդվել է, ողջ է և ձերբակալվել է Իրանում և հարցաքննվում է Լիբանանում պատերազմի հետ կապված։ Այս մասին հայտնում է «Middle East Eye»-ը։

Ըստ տեղեկությունների՝ իրանցի գեներալը և նրա թիմը հարցաքննվում են լիբանանյան պատերազմի ժամանակ անվտանգության խախտման և Իսրայելի հատուկ ծառայությունների ենթադրյալ ներթափանցման հետ կապված:

Լիբանանում «Հըզբոլլահի» առաջնորդ Հասան Նասրալլայի սպանությունից հետո Էսմայիլ Խանը հանրության առաջ չի հայտնվել։ Այդ ժամանակվանից Իրանի Իսլամական հեղափոխության պահապանների կորպուսը (ԻՀՊԿ) հետաքննություն է սկսել այն մասին, թե ինչպես է Իսրայելը կարողացել ներթափանցել լիբանանյան շարժման բարձրագույն ղեկավարության մեջ և պարզել, թե որտեղ է լինելու Հասան Նասրալլան:

Այն բանից հետո, երբ Հասան Նասրալլահը սպանվեց իսրայելական ավիահարվածի ժամանակ սեպտեմբերի 27-ին, հաղորդվում էր, որ Էսմայիլ Խանը ժամանել է Լիբանան և եղել է Նասրալլայի հավանական փոխարինող Հաշեմ Սաֆիեդինի մոտ, երբ հերթական հարվածը հասցվել է Հեզբոլլահի առաջնորդների հանդիպմանը: Տարբեր լրատվամիջոցներ հաղորդում են, որ Խանը սպանվել է Սաֆիեդինի հետ միասին։

Իրանական և իրաքյան աղբյուրները «Middle East Eye»-ին հայտնել են, որ «Ղուդս ուժերի» առաջնորդ Հաշեմ Սաֆիեդինը ներկա չի եղել և չի սպանվել։ Հրապարակման համաձայն՝ իրանցիները լուրջ կասկածներ ունեն, որ Իսրայելը ներթափանցել է «Իսլամական հեղափոխության պահապանների կորպուս», մասնավորապես՝ լիբանանյան ասպարեզում աշխատողներ, ուստի բոլորը ներկայումս հետաքննության տակ են։