Ազգային վիճակագրական ծառայության տվյալներով՝ 2023 թվականի երրորդ եռամսյակում, նախորդ եռամսյակի համեմատ, բնակելի անշարժ գույքի գների ինդեքսն աճել է 5.5%-ով, իսկ տարեկան աճը կազմել է 15.6%:

Ըստ Վիճակագրության ծառայության՝ 2020 թվականի միջին ցուցանիշի համեմատ ցուցանիշն աճել է 35,9%-ով։ Ծածկույթը սահմանափակվում է Թբիլիսիով և ներառում է միայն բնակելի անշարժ գույքի նոր շուկան՝ ինչպես բազմահարկ տների, այսինքն՝ բնակարանների, այնպես էլ առանձնատների հատվածները։

Գործակալության հաշվետվության համաձայն՝ 2023 թվականի երրորդ եռամսյակում, նախորդ եռամսյակի համեմատ, գների աճ է գրանցվել ինչպես բնակելի բնակարանների հատվածում՝ 5,2 տոկոսով, այնպես էլ առանձնատների հատվածում՝ 6,2 տոկոսով։ Բնակարանների հատվածում մեկ քառակուսի մետրի գինը ամենաթանկն է Մթածմինդա թաղամասում և կազմում է 5314 լարի, որին հաջորդում է Վակեն, որտեղ մեկ քառակուսի մետրի արժեքը 4756 լարի է, երրորդ տեղում է Սաբուրթալոն, որտեղ գինը հասնում է 3652 լարիի։

Ինչ վերաբերում է տներին, ապա մեկ քառակուսի մետրի գինը ամենաբարձրն է Մթածմինդայում՝ 4049 լարի, Վակեում՝ 3511 լարի և Սաբուրթալոյում՝ 2890 լարի։