ԱՄՆ պետքարտուղար Էնթոնի Բլինքենը հեռախոսազրույց է ունեցել Հայաստանի վարչապետ Նիկոլ Փաշինյանի հետ։ Այս մասին տեղեկություն է տարածում Պետդեպարտամենտը։

Ինչպես ասվում է հայտարարության մեջ, «խոսել են Ղարաբաղում Ադրբեջանի ռազմական գործողությունների մասին։ ԱՄՆ-ը վերահաստատել է իր աջակցությունը Հայաստանի ինքնիշխանությանը, անկախությանը և տարածքային ամբողջականությանը»։

Բլինկենը հայտնել է Միացյալ Նահանգների խորը մտահոգությունը Ղարաբաղում էթնիկ հայ բնակչության վիճակի վերաբերյալ։ Նա նշել է, որ Միացյալ Նահանգները կոչ է անում Ադրբեջանին պաշտպանել խաղաղ բնակչությանը և Ղարաբաղում ապրող մարդկանց իրավունքներն ու հիմնարար ազատությունները հարգելու իր պարտավորությունները, ինչպես նաև ապահովել, որ իր զինված ուժերը համապատասխանեն միջազգային մարդասիրական իրավունքի նորմերին։