Ըստ Նյու Յորք Թայմսի՝ Իրանը խնդրել է Ռուսաստանին տրամադրել ժամանակակից հակահրթիռային համակարգեր, քանի որ նա պատրաստվում է Իսրայելի հետ պատերազմի: Ինչպես գրում է Նյու Յորք Թայմսը՝ վկայակոչելով իրանցի երկու բարձրաստիճան պաշտոնյաների, Իրանն արդեն դիմել է Ռուսաստանին՝ Թեհրանին ռադարներ և հակաօդային պաշտպանության ժամանակակից համակարգեր մատակարարելու խնդրանքով, արդեն սկսվել է դրանց առաքումը Ռուսաստանից Իրան։

Հրատարակության համաձայն՝ այս թեմայով քննարկումը տեղի է ունեցել ՌԴ պաշտպանության նախկին նախարար Սերգեյ Շոյգուի՝ Իրան կատարած այցի շրջանակներում։ Շոյգուն հանդիպել է Իրանի նորընտիր նախագահ Մասուդ Փեզեշկիանի, Իրանի զինված ուժերի գեներալ Մոհամմադ Բաղերիի և Իրանի ազգային անվտանգության բարձրագույն խորհրդի քարտուղարի հետ։

«Ռուսաստանը պատրաստ է լիովին համագործակցել Իրանի հետ տարածաշրջանային հարցերում»,- ասել է Շոյգուն։