«NBC» հեռուստաընկերությունը մի քանի աղբյուրների հիման վրա տեղեկատվություն է տարածում Ջո Բայդենի՝ Եվրոպա հնարավոր այցի վերաբերյալ։ Հեռուստաընկերության վարկածի համաձայն, Ամերիկայի Միացյալ Նահանգների նախագահը ծրագրում է փետրվարի 24-ին այցելել Եվրոպա։
Հիշեցնենք, որ փետրվարի 24-ին լրանում է Ուկրաինա ռուսական ներխուժման ուղիղ մեկ տարին։ Ամերիկյան լրատվամիջոցների փոխանցմամբ, այս ամսաթվի հետ է կապված Բայդենի հնարավոր այցը Եվրոպա։
«NBC» հեռուստաընկերության տվյալներով՝ քննարկվում են մի քանի երկրներ, որտեղ կարող է այցելել Ջո Բայդենը։ Լեհաստանը դրանցից մեկն է։