Ռուսաստանի նախագահ Վլադիմիր Պուտինը Չինաստանի նախագահ Սի Ձզինփինի հետ զրույցում ասել է, որ Ուկրաինայում պատերազմը կշարունակվի ևս հինգ տարի։ Այս մասին գրում է «Ուկրաինսկայա պրավդան»՝ հենվելով Nikkei Asia-ի վրա։

Ինչպես հայտնում է հրատարակությունը, Պուտինն այս մասին չինացի գործընկերոջն ասել է 2023 թվականի մարտին, և դրա նպատակն էր ամփոփել իրավիճակը, որն այն ժամանակ Ռուսաստանի համար անբարենպաստ էր։ Սեփական հաղորդումների համաձայն՝ Պուտինը Սի Ձինփինին վստահեցրել է, որ ի վերջո հաղթողը կլինի Ռուսաստանը։

«Պուտինի հայտարարության հավանական ենթատեքստն այն էր, որ երկարատև պատերազմը օգուտ կբերի Չինաստանի լավ զինված գործընկերոջը: Մյուս կողմից՝ սա նախազգուշացում էր Չինաստանի նախագահին՝ չփոխելու իր ռուսամետ դիրքորոշումը»,- գրում է հրատարակությունը։

Չեն բացառում նաև, որ միանգամայն հնարավոր է, որ Պուտինը 2024 թվականի մարտի ընտրություններից առաջ փորձում է պատրանք ստեղծել, թե իբր գնում է դեպի զինադադար կամ համաձայնություն, քանի որ դա նրա համար բարենպաստ իրավիճակ կլինի։

Հրատարակությունը հայտնում է նաեւ, որ Պուտինի հայտարարությունից հետո Չինաստանը վերանայել է իր ռազմավարությունը։

«Եթե Ռուսաստանի և Ուկրաինայի միջև պատերազմը շարունակվի, դա կարող է ազդել Չինաստանի նախագահի ծրագրերի և հավակնությունների վրա, ինչպես նաև Սի Ձզինպինի՝ Թայվանը Չինաստանի հետ վերամիավորելու ավելի մեծ նպատակի վրա»,- գրում է Nikkei Asia-ն։