Ֆրանսիայի նախագահ Էմանուել Մակրոնը զրուցել է իրանցի գործընկեր Մասուդ Ֆեզեշկիանին։ Այս մասին հայտնում են ֆրանսիական լրատվամիջոցները։

Ինչպես գրում են լրատվամիջոցները, Էմանուել Մակրոնը Ֆեզեշկիանին ասել է, որ Իրանը պետք է հրաժարվի վրեժ լուծելուց և ամեն ինչ անի Մերձավոր Արևելքում ռազմական նոր էսկալացիա թույլ չտալու համար։

«Ռազմական նոր էսկալացիան ձեռնտու չէ ոչ մեկին, այդ թվում՝ Իրանին»,- ասել է Մակրոնը։

Ըստ լրատվամիջոցների՝ Մակրոնը նաև ասել է, որ Ֆրանսիան պատրաստ է օգնել Իրանին քաղաքական սահմաններում լուծում գտնելու հարցում, որը կնպաստի տարածաշրջանում խաղաղության և կայունության հաստատմանը, պայմանով, որ Իրանը կատարի իր միջազգային պարտավորությունները։

Ի գիտություն, Իրանը մեղադրում է Իսրայելին Համասի առաջնորդ Իսմայիլ Հանիյեի սպանության մեջ և սպառնում է անխուսափելի պատասխան տալ։ Լիբանանում գործող խմբավորման ղեկավար Հասան Նասրալան Իսրայելին սպառնացել է վրեժ լուծել Հեզբոլլահի բարձրաստիճան զինվորական Ֆուադ Շուքրիի մահվան համար։