Ադրբեջանում ավարտվել են արտահերթ նախագահական ընտրությունները։ Էքզիթ փոլի արդյունքների համաձայն՝ երկրի գործող նախագահին աջակցել է ընտրողների 93,9 տոկոսը։ Արդյունքները հայտարարել է ամերիկյան «Oracle Advisory Group» կազմակերպությունը Քաղաքացիների աշխատանքային իրավունքների պաշտպանության լիգայի հետ համատեղ։

Կազմակերպության տվյալներով՝ Զահիդ Օրուջի օգտին քվեարկել է ընտրողների 1,8%-ը, Ֆազիլ Մուստաֆայի օգտին՝ 1,5%-ը, Գուդրաթ Հասանգուլիևին՝ 1,2%-ը, Ռազի Նուրուլաևին՝ 0,9%-ը, Էլշադ Մուսաևին՝ 0,4%-ը, Ֆուադ Ալիևին՝ 0,3%-ը։

Ընտրողների ցուցակում կա 6 միլիոն 478 հազար 623 մարդ։ Երկրում բացվել է 6537 ընտրատեղամաս։ Ընտրություններին հետեւելու համար գրանցվել է ավելի քան 90 հազար դիտորդ։ Ժամը 17:00-ի դրությամբ տեղամասերում ընտրողների մասնակցությունը գերազանցել է 70 տոկոսը: