Ընտրական բարեփոխումների նոր փաթեթը, որը նախապատրաստվել է աշխատանքային խմբի կողմից ԵԱՀԿ հանձնարարականներին համապատասխան, այսօր ուղարկվել է ԵԱՀԿ / ԺՀՄԻԳ գրասենյակ եզրակացությունների և գնահատականների համար, – բյուրոյի նիստին ասաց Վրաստանի խորհրդարանի նախագահ Արչիլ Թալակվաձեն:

Արչիլ Թալակվաձեն համոզված է, որ ընդդիմության մասնակցությամբ մշակված օրենսդրական փաթեթն էլ ավելի կբարելավի ընտրությունների կանոններն ու տեղի ինքնակառավարման մարմինների ընտրությունների միջավայրը:

«Խորհրդարանում երեք լսումների ընթացքում բոլոր շահագրգիռ կողմերը, քաղաքական կուսակցությունները հնարավորություն կունենան մասնակցելու օրենսդրական փոփոխությունների քննարկմանը` միասին աշխատել, որպեսզի մեր երկիրը հաջորդ ՏԻՄ ընտրությունները դիմավորի ավելի լավ միջավայրում և ընտրությունների բարելավված կանոններով », – նշել է խորհրդարանի նախագահը: