Խորհրդարանի ընթացակարգային հարցերով հանձնաժողովը կքննարկի Շալվա Նաթելաշվիլիի և Էլենե Խոշտարիայի պատգամավորական լիազորությունները դադարեցնելու հարցը և իր եզրակացությունը կներկայացնի օրենսդիր մարմնին որոշման համար։

Ինչպես լրագրողներին պարզաբանել է հանձնաժողովի նախագահ Իրակլի Քադագիշվիլին, Նաթելաշվիլիի և Խոշտարիայի լիազորությունների դադարեցման հարցը նախատեսված է Սահմանադրության և Կանոնակարգի արձանագրությամբ, որտեղ ասվում է, որ պատգամավորի լիազորությունները դադարեցվում են, եթե նա ներկա չի լինում նիստերի կեսից ավելիին։

Պատգամավորի խոսքով՝ Նաթելաշվիլին և Խոշտարիան աշնանային նստաշրջանի ոչ մի նիստի չեն մասնակցել։

«Իրենց լիազորությունների դադարեցման հարցն ինքնաբերաբար բարձրացվում է։ Բնականաբար, հանձնաժողովը պարտավոր է հարցը քննարկել և եզրակացությունը ներկայացնել խորհրդարանի լիագումար նիստին։ Վերջնական որոշումը կկայացնի խորհրդարանը»,- ասել է Քադագիշվիլին։