Ընդունված է, որ վարակվածների 15-20 տոկոսը բուժվի հոսպիտալային հատվածում, մեզ մոտ այդ տոկոսը կազմում է 37, որին չի դիմադրի ոչ մի երկիր,- այս մասին Բոճորիշվիլիի կլինիկայի գլխավոր տնօրեն, Դավիթ Գադելիան հայտարարել է վարչապետ Գիորգի Գախարիայի և կլինիկական խմբի միջև կայացած հանդիպումից հետո:

Նրա խոսքով, կարևոր է, որ հնարավորինս շատ համեմատաբար թեթև հիվանդներ բուժվեն տանը կամ կովիդհյուրանոցներում, ինչը երկիրը կարող է իրեն թույլ տալ:

«ՈՒշադրություն դարձվեց մի քանի հարցի վրա, թե ինչով կարող է պետությունը, կառավարությունը օգնել հոսպիտալային հատվածին ծանր հիվանդների բուժման համար անհրաժեշտ հարցերում, ինչպիսիք են, օրինակ, շնչառական սարքավորումները և այլն: Մենք խոսեցինք նաև այն մասին, որ երկրում շատ մեծ հարաբերակցություն կա հիվանդանոցային հատվածի հիվանդների և բնակարաններում կամ հյուրանոցներում բուժվող մարդկանց միջև: Ընդհանրապես ընդունված է, որ լինի 15-20 տոկոս, մեզ մոտ մինչև 37 տոկոսը բուժում է ստանում հիվանդանոցում, որին, հավանաբար, ոչ մի երկիր չի կարող դիմակայել: Մենք իսկապես ուզում ենք, որ այս թիվը բաշխվի այնպես, որ հնարավորինս շատ համեմատաբար թեթև հիվանդներ բուժվեն տանը, կամ նույնիսկ ավելի լավ ՝ կովիդհյուրանոցներում, որը մենք կարող ենք մեզ թույլ տալ, և դա իսկապես այդպես է, մարդկանց հնարավորություն է տրվում բուժվել հյուրանոցներում, որտեղ առկա է տարրական թերապևտիկ վերահսկողություն», – հայտարարել է Դավիթ Գադելիան: