Ընդդիմադիր երեք պատգամավորի լիազորությունների դադարեցումն անօրինական է: Այս որոշումը հստակ հաստատում է, որ «Վրացական երազանքը» վախենում է Միխեիլ Սաակաշվիլիի նկատմամբ հետաքննող ժամանակավոր հանձնաժողով ստեղծելուց, – այս մասին հայտարարել է «Ազգային շարժում» կուսակցության անդամ Լևան Բեժաշվիլին։

Ինչպես Վրաստանի Առաջին ալիքի հետ զրույցում նշել է Բեժաշվիլին, ընդդիմության մանդատը կասեցնելու հարցը կապված է քննչական հանձնաժողովի թեմայի հետ։

«Այս հարցի իրողությունից հետո էր, որ առաջացավ ընդդիմության մանդատի կասեցման հարցը։ Դա կլինի քայլ դեպի միակուսակցական խորհրդարան, որը մեզ կդրդի այս խորհրդարանի նկատմամբ լինել արմատական»,- ասել է Լևան Բեժաշվիլին։

Ինչ վերաբերում է ընտրացուցակներին, Բեժաշվիլին ասել է, որ այն ժամանակ ցուցակների վերացումը պայմանավորված էր ընդդիմության բողոքներով։ Ըստ նրա՝ ընդդիմությունը խորհրդարանում պետք է ունենա այնքան ներկայացուցիչ, որքան որոշել է ժողովուրդը։

«Ցուցակների փակումը պայմանավորված էր ընդդիմության կողմից կեղծված ընտրությունների դեմ բողոքի ակցիայով։ Ընդդիմությունը խորհրդարանում պետք է ունենա այնքան ներկայացուցիչ, որքան ժողովուրդն է որոշե: Ցուցակները չվերականգնելը քաղաքական հետապնդում և բռնություն է ընդդիմության նկատմամբ»,- ասել է Լևան Բեժաշվիլին։