Մենք միայն «Ազգային շարժման» մուտքի հետ չենք կապել ընտրական շեմի հարցի աջակցությունը, մենք պաշտպանել ենք ընդդիմության ակտիվ ցանկությունը՝ նվազեցնելու բևեռացման աստիճանը,- այս մասին հայտարարել է «Վրացական երազանք» կուսակցության նախագահ Իրակլի Կոբախիձեն։

Նրա խոսքով, շատ բան կախված է ընդդիմությունից:

«Ընդդիմությունը պետք է ցույց տա, որ ցանկանում է նվազեցնել բևեռացվածության աստիճանը։ Նման դեպքում, բնականաբար, ավելի ցածր շեմին աջակցելու մեր մոտիվացիան կաճի։ Մենք հենց այնպես չէինք պաշտպանում «Ազգային շարժման» մուտքը խորհրդարան: Այս ամենը մենք կապել ենք բևեռացվածության աստիճանը նվազեցնելու ընդդիմության ակտիվ ցանկության հետ։ Քանի դեռ շարունակում են խոսել ապակառուցողական մտադրությունների մասին, բնականաբար ակնհայտ չէ բևեռացման աստիճանը նվազեցնելու ցանկությունը։ Նրանց կողմից պետք է արդյունավետ քայլեր տեսնել, որ բևեռացման աստիճանը նվազեցնելու ցանկություն կա։ Նման դեպքում մենք մոտիվացված կլինենք աջակցել ավելի ցածր շեմին, որն իր հերթին որոշակի սպառնալիքներ է պարունակում կայունության առումով»,- ասել է Կոբախիձեն։