Ընդդիմության ներկայացուցիչները հայտարարում են, որ երեկվա ողբերգական դեպքից հետո մեծամասնության պատգամավորներին հնարավորություն չեն տա խորհրդարանում անցկացնել նստաշրջան:

«Սա ծաղրանք է, և մենք թույլ չենք տա, որ երեկվա դեպքի պատճառով ծաղրեն մեզ և նիստը անցկացնեն այնպես, կարծես ոչինչ չի պատահել, ուստի մենք թույլ չենք տա, որ նիստը կայանա», – ասաց Անա Ծիթլիձեն:

Միաժամանակ, «Միացյալ ազգային շարժման» անդամ Թինա Բոկուչավան ասաց, որ անհրաժեշտ է երկրում նշանակել արտահերթ խորհրդարանական ընտրություններ և ընտրել այնպիսի կառավարություն, որը չի բռնանում ժողովրդին:

«Ես դիմում եմ «Վրացական երազանքի» պատգամավորներին, որ եթե պատիվ ունենայիք, ինքներդ կհեռացնեիք Ղարիբաշվիլիին, որի խրախուսած բռնարար խմբավորումները խլեցին մարդու կյանք, և դուք նույնպես մեղսակից եք այս հանցագործությանը: Եկեք արտահերթ ընտրություններ անցկացնենք և ընտրենք այնպիսի կառավարություն, որը ժողովրդի նկատմամբ բռնություն չի գործադրում», – ասաց Թինա Բոկուչավան: