Ընդդիմադիր կուսակցությունների ներկայացուցիչները այսօր ստորագրել են հուշագիր, որի համաձայն հրաժարվում են կոալիցիոն կառավարություն ստեղծել «Վրացական երազանքի» հետ
Ընդդիմության կուսակցությունների ներկայացուցիչները այսօր ևս մեկ հուշագիր են ստորագրել «Լեյբորիստական կուսակցության» գրասենյակում:
Հուշագրում ընդդիմության ներկայացուցիչները խոստանում են ոչ մի դեպքում չհամագործակցել «Վրացական երազանքի» հետ և դրա հետ կոալիցիոն կառավարություն չձևավորել:
Ինչպես պարզաբանում են ընդդիմությունում, սա հստակ ուղերձ կլինի ընտրողներին, թե որ կուսակցությունն է իշխանափոխության իրական թեկնածուն:
Հուշագիրը ստորագրել են մոտ 10 ընդդիմադիր կուսակցություններ:
Ինչ վերաբերում է Բիձինա Իվանիշվիլիի «Վրացական երազանքի» և դրա հետ ասոցացվող քաղաքական կուսակցությունների հետ կոալիցիոն կառավարություն չձևավորելուն, ներքոստորագրյալ կուսակցությունները գիտակցում ենք, որ Բիձինա Իվանիշվիլիի ութամյա օլիգարխիկ իշխանությունը զգալիորեն թուլացրել է Վրաստանի ժողովրդավարական ինստիտուտները՝ իշխանության միանձնյա և անվերահսկելի կենտրոնացմամբ, պետական ինստիտուտների քաղաքականացմամբ և ժողովրդավարական հաշվետվողականության մեխանիզմների լիարժեք խախտմամբ, այդ դթվում, դատական համակարգը քաղաքականացնելով և որպես քաղաքական հետապնդման գործիք օգտագործելով՝ այն վնասել է Վրաստանի միջազգային հեղինակությունը և խոչընդոտել վրաց ժողովրդի պատմական եվրոպական ընտրության կատարման հնարավորությունը, այդ թվում ՝ եվրաատլանտյան կառույցներին անդամակցելու գործընթացում. Վնասել է Վրաստանի ռազմավարական տնտեսական հեռանկարները, ներառյալ Անակլիայի խորջրյա նավահանգստի շինարարության դադարեցումը և արևմտյան ներդրողներին նախագծից արհեստականորեն հեռացնելը. «Նորմալացման քաղաքականության» քողի ներքո դա թուլացրել է Վրաստանի բանակցային դիրքը Ռուսաստանի Դաշնության հետ՝ զիջելով Վրաստանի ազգային շահերը:
Մենք հայտարարում ենք, որ 2020 թվականի հոկտեմբերի 31-ի խորհրդարանական ընտրությունների արդյունքում մենք ոչ մի պարագայում չենք կազմի կոալիցիոն կառավարություն Բիձինա Իվանիշվիլիի «Վրացական երազանք»ի հետ: Քաղաքական ընդդիմությունը համոզված է, որ վրաց ժողովրդի կամքի շնորհիվ նա համոզիչ հաղթանակ կտանի հոկտեմբերի 31-ին կայանալիք խորհրդարանական ընտրություններում և կստեղծի վրաց ժողովրդի վստահությամբ օժտված կառավարություն ՝ ի շահ երկրի», – ասվում է հուշագրում: