EBRD-ը Վրաստանի զարգացման ամենակարևոր գործընկերներից մեկն է. Վերակառուցման և զարգացման եվրոպական բանկի նախագահի այս վիրտուալ այցը Վրաստան և նրա թիմի հետ հանդիպումը չափազանց կարևոր է,- այս մասին EBRD-ի նորընտիր նախագահ, Օդիլ Ղենո-Բասոյի հետ առցանց հանդիպումից հետո, հայտարարել է  Վրաստանի վարչապետ Գիորգի Գախարիան:

Գիորգի Գախարիան ընդգծել է Վերակառուցման և զարգացման եվրոպական բանկի նախագահի այցի կարևորությունը, հատկապես, հաշվի առնելով կովիդ-համավարակի հետ կապված մարտահրավերներն ու հնարավորությունները:

«Վերակառուցման և զարգացման եվրոպական բանկի նախագահի այս վիրտուալ այցը Վրաստան և նրա թիմի հետ հանդիպումը չափազանց կարևոր է: EBRD-ը Վրաստանի զարգացման ամենակարևոր գործընկերներից է: Մենք խոսեցինք այն նախագծերի մասին, որոնք EBRD-ը արդեն իրականացնում է Վրաստանում, ինչպես ֆիզիկական ենթակառուցվածքների, այնպես էլ էներգետիկ ոլորտի, կառուցվածքային բարեփոխումների և շատ այլ ոլորտներում: Իհարկե, մենք խոսեցինք EBRD-ի և Վրաստանի կառավարության միջև համագործակցության կարևորությունը, այն բարձրաձայն հայտարարության համար, որը Վրաստանը անելու է 2024 թվականին, և դա Եվրամիությանը լիիրավ անդամակցության մասին հայտն է, և EBRD-ը այն կազմակերպությունն է, որն օգնում է երկրի տնտեսական զարգացմանը, որպեսզի հասնենք այդ նպատակին»,- ասել է վարչապետը:

Ըստ Գիորգի Գախարիայի, EBRD-ի օգնությունը մասնավոր հատվածին շատ կարևոր է:

«Ինչպես գիտեք, մասնավոր հատվածը Վրաստանի տնտեսության զարգացման և աշխատատեղերի ստեղծման հիմնական շարժիչ ուժն է, ուստի մենք, անշուշտ, շնորհակալություն ենք հայտնում մեր գործընկերներին նման օգնության համար: Շատ կարևոր են այն ոլորտները, որոնց մասին մենք այսօր խոսեցինք ՝ էներգետիկա, տրանսպորտ, ֆիզիկական ենթակառուցվածք, կառուցվածքային բարեփոխումներ: Եվս մեկ անգամ ցանկանում եմ շնորհակալություն հայտնել մեր հյուրերին», – հայտարարել է Գիորգի Գախարիան: