Ձյուդո | Գիորգի Սարդալաշվիլին հաղթել է աշխարհի առաջնության առաջին գոտեմարտում #1TVSPORT
Ադրբեջանի մայրաքաղաք Բաքվում ընթացող ձյուդոյի աշխարհի առաջնությունում Գիորգի Սարդալաշվիլին (60 կգ) հաղթել է առաջին գոտեմարտում․ 23-ամյա վրացի մարզիկը իպոնով հաղթել է Իսրայելի ներկայացուցիչ Իցխակ Աշպիզին և հաջորդ փուլում մրցելու է պորտուգալացի Ֆերնանդեշի հետ:
Նշենք, որ C ցանցում Սարդալաշվիլիի հնարավոր մրցակիցն աշխարհի գործող չեմպիոն, ճապոնացի Ռյուջու Նագայաման է: Նախնական գոտեմարտերում հաջող ելույթ ունենալու դեպքում նրանք միմյանց դեմ դուրս կգան քառորդ եզրափակիչում:
Այսօր մեդալները կխաղարկվեն տղամարդկանց 60 կգ և կանանց 48 կգ քաշային կարգերում: Աշխարհի առաջնության նախնական գոտեմարտերը մեկնարկել են ժամը 11:30-ին, իսկ եզրափակիչ բլոկը կկայանա 18:00-ին: