Դրեզդենի Կարոլա կամուրջը փլուզվել է

13:39, 11.09.2024

Գերմանիայում, Դրեզդենում փլուզվել է Կարոլա կամուրջը։ Տեղեկությունը տարածում է «Deutsche Welle»-ն։

Միջադեպը տեղի է ունեցել տեղական ժամանակով ժամը 03:00-ին։ Կարոլա կամուրջը Էլբա գետի չորս կամուրջներից մեկն է։

Ինչպես գրում է «Deutsche Welle»-ն, կամրջի փլուզումը, ամենայն հավանականությամբ, մեծ տրանսպորտային քաոս կառաջացնի։

Քաղաքի իշխանությունները հայտնել են, որ այդ պահին կամրջի վրա ոչ ոք չի եղել, և ոչ ոք չի տուժել փլուզման հետևանքով:

Ճանապարհային և նավերի երթևեկությունը դադարեցված է անորոշ ժամանակով։ Կամրջի փլուզման պատճառը դեռևս հայտնի չէ։

Հեղինակ - edgar barsegyan