ԱՄՆ նախկին նախագահ, ներկայումս նախագահի թեկնածու Դոնալդ Թրամփն ասում է, որ իրեն Աստված է փրկել մահափորձի ժամանակ։

«Դա պետք է լինի Աստված։ Ինչպե՞ս կարելի է ասել, որ դա բախտի բերումով էր: Ես այնպիսի դիրքում էի, դա միակ կետն էր, որտեղ կարելի էր խուսափել գնդակից»,- ասում է Թրամփը։

Լրագրողի հարցին՝ հավատո՞ւմ է արդյոք Աստծուն, Թրամփի պատասխանը այո էր։

Դոնալդ Թրամփը խոսել է նաեւ Ռոբերտ Քենեդի կրտսերի մասին, ով օրեր առաջ հանել էր ԱՄՆ նախագահի թեկնածությունը եւ բացահայտորեն իր աջակցությունը հայտնել Դոնալդ Թրամփին։

«Ես մեծ հարգանքով եմ վերաբերվում այս որոշմանը։ Նա շատ լավ մարդ է, տարբերվող, խելացի, սիրում է իր երկիրը և, կարծում եմ, շատ լավ հայացքներ ունի տարբեր հարցերի վերաբերյալ։ Ես նրան վաղուց եմ ճանաչում։ Կարծում եմ՝ շատ լավ գնում է։ Կունենա՞մ նրան վարչակազմում։ Մենք դեռ չենք դիտարկել, բայց դա հնարավոր է: Նա շատ լավ գաղափարներ ունի»,- ասել է Դոնալդ Թրամփը։