Դոնալդ Թրամփը կոչ է արել Կոնգրեսին արագ ընդունել օրենսդրություն՝ օդային երթևեկության կառավարման համակարգերի, տերմինալների և այլ կարևոր ենթակառուցվածքների արդիականացման համար
ԱՄՆ նախագահ Դոնալդ Թրամփը հանրապետական սենատոր Էրիկ Շմիդտի հետ հեռախոսազրույցի ժամանակ կոչ է արել Կոնգրեսին արագ ընդունել օդային երթևեկության կառավարման համակարգերի, տերմինալների և այլ կարևոր ենթակառուցվածքների արդիականացման օրենսդրություն։
Շմիդտը Կոնգրեսի առևտրի, գիտության և տրանսպորտի հարցերով հանձնաժողովի անդամ է։ Սեպտեմբերին նա նախաձեռնել է նոր օրենք, որը լրացուցիչ 30 միլիարդ դոլար է նախատեսում ավիացիոն ենթակառուցվածքների արդիականացման համար։
CNN-ի տվյալներով՝ Դոնալդ Թրամփի վարչակազմը նամակ է ուղարկել Կոնգրեսին թռիչքների դադարեցումից մի քանի ժամ առաջ՝ խնդրելով հատկացնել նույն 30 միլիարդ դոլարը։
Տեղեկատվության համար նշենք, որ ԱՄՆ-ում բոլոր թռիչքները ժամանակավորապես դադարեցվել են։ Տրանսպորտի նախարար Շոն Դաֆին և ներքին անվտանգության նախարար Մարկ Ռաֆինը Սպիտակ տանը կայացած ճեպազրույցի ժամանակ հայտարարել են, որ դադարեցումը պայմանավորված է հնացած սարքավորումների անհամապատասխան տվյալներով։