Դոնալդ Թրամփը հայտարարում է, որ Medicaid պետական առողջապահական ծրագիրն այլևս չի ֆինանսավորի անչափահասների սեռափոխության հետ կապված վիրահատություններն ու հորմոնալ թերապիան
ԱՄՆ նախագահ Դոնալդ Թրամփը հայտարարել է, որ Medicaid պետական առողջապահական ծրագիրն այլևս չի ֆինանսավորի անչափահասների սեռափոխության հետ կապված վիրահատությունները և հորմոնալ թերապիան:
«Մենք չենք վճարի նրա համար, որ մեր անմեղ երեխաներն անցնեն այս բարբարոսական վիրահատություններն ու պրակտիկաները, որոնք նրանց երիտասարդ մարմիններին աներևակայելի և անդառնալի վնաս են հասցնում», – սոցիալական ցանցում գրում է Թրամփը:
ԱՄՆ նախագահի խոսքով՝ վերջին մեկուկես տարվա ընթացքում վարչակազմի խիստ դիրքորոշման արդյունքում տասնյակ ամերիկյան հիվանդանոցներ արդեն դադարեցրել են տրանսգենդեր դեռահասներին նմանօրինակ բուժում առաջարկելը:
«Չնայած Դեմոկրատական կուսակցությունն ուզում է, որ ձեր երեխաներն իրենց վերարտադրողական օրգանները հեռացնելու հնարավորություն ունենան դեռևս մինչև քվեարկության իրավունքի տարիքը, նախագահ Դոնալդ Թրամփը (ես) և Հանրապետական կուսակցությունը ասում ենք, որ դա աբսուրդ է, և մենք պաշտպանելու ենք ամերիկացի երեխաներին: Խնդրում եմ, հիշեք սա, երբ նոյեմբերին քվեարկեք միջանկյալ ընտրություններում», – նշել է ԱՄՆ նախագահը: