Դոնալդ Թրամփը հայտարարում է, որ դժգոհ է Մոջթաբա Խամենեիի՝ որպես Իրանի նոր գերագույն առաջնորդ նշանակվելուց։ ԱՄՆ նախագահը սա ասել է New York Post-ին տված հարցազրույցում։

Լրագրողի հարցին, թե ինչ գործողություններ կարող է ձեռնարկել ԱՄՆ-ն, Թրամփը կտրուկ պատասխանել է. «Ես ձեզ չեմ ասի։ Ես գոհ չեմ»։

ԱՄՆ նախագահին հարցրել են Իրան ամերիկյան ցամաքային զորքեր ուղարկելու հնարավորության մասին։ Թրամփը նշել է, որ այս հարցի վերաբերյալ որոշում չի կայացվել։

«Մենք այդ հարցում որոշում չենք կայացրել։ Մենք նույնիսկ մոտ չենք դրան», – ասել է Թրամփը։

Բացի այդ, Մոջթաբա Խամենեիի Գերագույն առաջնորդ ընտրվելուց առաջ Թրամփը հայտարարել է, որ այաթոլլա Ալի Խամենեիի որդու ընտրությունը «անընդունելի ընտրություն» կլինի իր համար, և որ Իրանի նոր առաջնորդը «երկար չի դիմանա» առանց նրա հաստատման։

Հիշեցնենք, որ այաթոլլա Ալի Խամենեիի որդին՝ Մոջթաբա Խամենեին, ընտրվել է Իրանի գերագույն առաջնորդ։