Դոնալդ Թրամփը հայտարարել է, որ Վոլոդիմիր Զելենսկին և Վլադիմիր Պուտինը պատրաստ են «ինչ-որ բան անել» Ուկրաինայում պատերազմը դադարեցնելու համար

ԱՄՆ նախագահ Դոնալդ Թրամփը հայտարարել է, որ Ուկրաինայի նախագահ Վոլոդիմիր Զելենսկին և Ռուսաստանի նախագահ Վլադիմիր Պուտինը պատրաստ են «ինչ-որ բան անել» Ուկրաինայում պատերազմը դադարեցնելու համար։ Թրամփը այս խոսքերն ասել է Ֆրանսիայի Էվիան քաղաքում՝ G7 գագաթնաժողովից առաջ, Ֆրանսիայի նախագահ Էմանուել Մակրոնի հետ հանդիպման ժամանակ։

ԱՄՆ նախագահը նշել է, որ կիրակի օրը «լավ» հեռախոսազրույցներ է ունեցել և՛ Զելենսկու, և՛ Պուտինի հետ։

«Երեկ շատ լավ հեռախոսազրույց ունեցա նախագահ Զելենսկու և նախագահ Պուտինի հետ։ Տեսնում եմ, որ մենք կարող ենք ինչ-որ բան անել դրա հետ կապված։ Ես, անշուշտ, այդպես եմ կարծում։ Կարծում եմ՝ երկու կողմերն էլ պատրաստ են դա անել», – ասել է Թրամփը։

Թրամփը նաև ասել է, որ կկենտրոնանա Ուկրաինայում պատերազմը դադարեցնելու վրա և «կտեսնի, թե արդյոք նրանք կարող են դա անել»։

«Մենք կաշխատենք դրա վրա և կտեսնենք, թե արդյոք կարող ենք դա անել։ Ամեն ամիս 25,000 մարդ է մահանում, հիմնականում՝ զինվորականներ, և սա չպետք է տեղի ունենա։ Երեկ ես երկու շատ լավ զրույց ունեցա։ Մենք կրկին կխոսենք այս մասին», – ասել է Դոնալդ Թրամփը։