Դոնալդ Թրամփը հայտարարել է, որ մտադիր չէ հրաժարվել ԵՄ ապրանքներին մաքսատուրքեր սահմանելու իր ծրագրից. Եվրոպական երկրները սարսափելի են վերաբերվում Ամերիկային
ԱՄՆ նախագահ Դոնալդ Թրամփը մտադիր չէ հրաժարվել Եվրամիության ապրանքների վրա մաքսատուրքեր սահմանելու իր ծրագրից,- գրում է «Financial Times»-ը։
Ինչպես նշել է Թրամփը, եվրոպական երկրները «սարսափելի են վերաբերվում Ամերիկային» և չեն գնում ամերիկյան ապրանքներ։
«Պատրաստվու՞մ եմ մաքսատուրքեր սահմանել Եվրամիությանը: Բացարձակապես։ Նրանք չեն գնում մեր մեքենաները, չեն գնում մեր գյուղմթերքը, իրականում մեզանից գրեթե ոչինչ չեն գնում», – ասել է Ամերիկայի նախագահը։
Նա ասել է, որ Եվրամիության դեմ ուղղված միջոցները «շատ կարևոր» կլինեն։