ԱՄՆ նախագահ Դոնալդ Թրամփը հայտարարել է, որ իրանցի ժողովուրդը կդիմադրի ռեժիմին, եթե զենք ունենա։

«Իրանի ժողովուրդը կդիմադրի նրանց, հենց որ իմանա, որ իրենց վրա չեն կրակում և հենց որ զենք ստանա», – ասել է Թրամփը։

Ըստ ԱՄՆ նախագահի, եթե իրանցի ժողովուրդը զենք ունենար, «Իրանը երկու վայրկյանում կհանձնվեր, քանի որ չէր կարողանա կարգավորել իրավիճակը»։

Բացի այդ, Դոնալդ Թրամփն ասել է, որ իրանցի ժողովուրդը «ցանկանում է լսել ռումբերի ձայնը, քանի որ ազատություն է ուզում»։

«Մենք պայքարում ենք նրանց համար։ Մենք պայքարում ենք նրանց ապագայի համար, և ես ձեզ կասեմ, ինձ դա բարձրաձայն ու հստակ ասվել է՝ իրանցի ժողովուրդն ամենադժբախտն է, երբ ռումբերը դադարում են», – ասել է Թրամփը։

Բացի այդ, ԱՄՆ նախագահը փաստացի հաստատել է, որ 2025 թվականի վերջին Իրանում կառավարության դեմ զանգվածային ցույցերի սկսվելուց ի վեր ԱՄՆ-ն մտադիր է եղել զինել իրանցի ակտիվիստներին։

Նա ասաց, որ ցուցարարների համար նախատեսված զենքերը պահվել են այն խմբերի մոտ, որոնք պետք է դրանք մատակարարեին։

«Նրանք պետք է գնային ժողովրդի մոտ, որպեսզի կարողանային պայքարել այս ավազակների դեմ։ Գիտե՞ք, թե ինչ պատահեց։ Նրանց ուղարկողները պահեցին նրանց իրենց համար։ Նրանք ասացին. «Ի՜նչ գեղեցիկ զենք է։ Կարծում եմ՝ կպահեմ այն»։ Այսպիսով, ես շատ զայրացած եմ որոշակի խմբի վրա, և նրանք դրա համար բարձր գին են վճարելու», – ասաց Դոնալդ Թրամփը։