Դոնալդ Թրամփ - Զելենսկին ստիպված կլինի գործարք կնքել պատերազմն ավարտելու համար, շատ բան է ձեռք բերվել, բայց տանգո պարելու համար երկու հոգի են պետք, ակնհայտորեն ես պետք է նստեմ սենյակում նրանց հետ
ԱՄՆ-ի նախագահ Դոնալդ Թրամփը հայտարարել է, որ Վոլոդիմիր Զելենսկին պետք է համաձայնություն ձեռք բերի Ուկրաինայում պատերազմն ավարտելու համար։
«Նա ստիպված կլինի գործել և պայմանավորվել։ Զելենսկին պետք է համաձայնության գա», – ասել է Թրամփը Մեծ Բրիտանիա մեկնելուց առաջ լրագրողների հետ զրույցում։
Բացի այդ, ԱՄՆ-ի նախագահը կրկին նշել է, որ Եվրոպան պետք է դադարեցնի Ռուսաստանի նավթի գնումը։
«Եվրոպան պետք է դադարեցնի Ռուսաստանի նավթ գնելը։ Գիտեք, նրանք խոսում են, բայց պետք է դադարեցնեն Ռուսաստանի նավթ գնելը», – ասել է Թրամփը։
Նա նաև նշել է, որ Ալյասկայում Վլադիմիր Պուտինի հետ անցկացված գագաթնաժողովը արդյունք է տվել։
«Շատ բան է ձեռք բերվել, բայց տանգո պարելու համար երկու մարդ է պետք։ Թվում է, ես պետք է նրանց հետ մի սենյակում նստեմ, քանի որ իրենք միասին նույն սենյակում չեն կարող նստել։ Նրանք այնքան ատում են միմյանց։ Այս երկուսի միջև մեծ ատելություն կա», – ասել է Թրամփը։
