Եթե Իրանը փորձի կանգնեցնել նավթի հոսքը Հորմուզի նեղուցով, Միացյալ Նահանգները նրան կհարվածեն քսան անգամ ավելի ուժեղ, քան նախկինում, – գրել է ԱՄՆ նախագահ Դոնալդ Թրամփը սոցիալական ցանցերում։

Բացի այդ, նա ասել է, որ Իրանի կողմից նավթի հոսքը կանգնեցնելու փորձի դեպքում Միացյալ Նահանգները կոչնչացնի այնպիսի թիրախներ, որոնք գործնականում անհնար կդարձնեն Իրանի համար որպես ազգի վերականգնումը։

«Եթե Իրանը որևէ բան անի Հորմուզի նեղուցով նավթի հոսքը կանգնեցնելու համար, Միացյալ Նահանգները նրանց կհարվածի քսան անգամ ավելի ուժեղ, քան երբևէ արել է։ Բացի այդ, մենք կոչնչացնենք հեշտությամբ ոչնչացվող թիրախները, գործնականում անհնար դարձնելով Իրանի համար որպես ազգի վերականգնումը՝ մահ, կրակ և զայրույթ նրանց վրա կլինեն, բայց ես հույս ունեմ և աղոթում եմ, որ դա տեղի չի ունենա։ Սա Ամերիկայի Միացյալ Նահանգների նվերն է Չինաստանին և բոլոր այն երկրներին, որոնք ակտիվորեն օգտագործում են Հորմուզի նեղուցը։ Հուսով եմ, սա ժեստ է, որը պատշաճ կերպով կգնահատվի», – գրել է Դոնալդ Թրամփը։