Դոնալդ Թրամփ. Ես տպավորված եմ ամերիկացի զինվորականների պրոֆեսիոնալիզմով Վենեսուելայում ռազմական գործողության ընթացքում, մենք այլևս ծաղրի առարկա չենք
ԱՄՆ նախագահ Դոնալդ Թրամփը հայտարարել է, որ Վենեսուելայում ռազմական գործողության ընթացքում ամերիկյան զորքերի շարքում զոհեր չկան, չնայած նա ասել է, որ մի քանիսը վիրավորվել են։
ԱՄՆ նախագահը համեմատել է ռազմական գործողությունը Ջո Բայդենի վարչակազմի օրոք Աֆղանստանից ԱՄՆ-ի դուրսբերման հետ։
«Մենք այլևս ծաղրի առարկա չենք», – ասել է Թրամփը։
ԱՄՆ նախագահը պնդել է, որ ռազմական գործողությանը հետևել է իր Մար-ա-Լագոյի նստավայրից և տպավորված է ամերիկյան զինվորականների պրոֆեսիոնալիզմով։
Թրամփն ասել է, որ ԱՄՆ-ն «շատ ներգրավված կլինի» Վենեսուելայի նավթարդյունաբերության ապագա գործունեության մեջ։
ԱՄՆ նախագահը ասել է, որ «մեկ շաբաթ առաջ» խոսել է Նիկոլաս Մադուրոյի հետ և ասել, որ «նա պետք է հանձնվի»։
Ըստ ԱՄՆ նախագահի՝ Նիկոլաս Մադուրոն և նրա կինը ձերբակալվել են իրենց տանը և այժմ գտնվում են ամերիկյան ռազմանավի վրա։
Դոնալդ Թրամփը ասում է, որ Նիկոլաս Մադուրոն և նրա կինը կներկայացվեն դատարան Նյու Յորքում։