Ես երբեք չեմ ասել, որ Ուկրաինան կհաղթի, ես ասել եմ, որ նրանք կարող են հաղթել, որովհետև ամեն ինչ կարող է պատահել,- ասել է ԱՄՆ նախագահ Դոնալդ Թրամփը Սպիտակ տանը Ավստրալիայի վարչապետ Էնթոնի Ալբանեզեի հետ հանդիպման ժամանակ։

Ըստ Թրամփի՝ նա ևս մեկ պատերազմ ունի ավարտելու։

«Դա Ռուսաստանն ու Ուկրաինան են, և ես կարծում եմ, որ մենք կհաղթահարենք դա, բայց դա դժվար է եղել, քանի որ երկու առաջնորդներն իսկապես ատում են միմյանց։ Նրանք միմյանց ավելի շատ են ատում, քան ամեն ինչ, և դա դժվարացնում է իրավիճակը», – ասել է Թրամփը։

Լրագրողի հարցին, թե արդյոք նա կարծում է, որ Ուկրաինան կարող է հաղթել Ռուսաստանի հետ պատերազմում, ԱՄՆ նախագահը պատասխանել է, որ «նա երբեք չի ասել, որ նրանք կհաղթեն», չնայած նրանք կարող են հաղթել։

«Ես չեմ կարծում, որ նրանք կհաղթեն, բայց նրանք դեռ կարող են հաղթել։ Ես երբեք չեմ ասել, որ նրանք կհաղթեն։ Ես ասել եմ, որ նրանք կարող են հաղթել, որովհետև ամեն ինչ կարող է պատահել։ Պատերազմը տարօրինակ բան է, և շատ վատ բաներ են պատահում, շատ լավ բաներ են պատահում», – ասել է Թրամփը։