ԱՄՆ նախագահի թեկնածու Դոնալդ Թրամփը Փենսիլվանիա նահանգի Բաթլեր քաղաքում ,որտեղ երեք ամիս առաջ հարձակվել էր նրա վրա հանդիպել է իր կողմնակիցների հետ ։ Իր ելույթում Թրամփը բազմիցս հիշել է հուլիսին կատարված մահափորձը՝ ասելով, որ այդ իրադարձություններն իր կողմնակիցներին դարձրել են «ավելի ուժեղ, ավելի միասնական և հաղթանակին ավելի մոտ, քան երբևէ»։

«Ժամանակը կանգ առավ 15 վայրկյանով։ Բայց չարագործը չհասավ իր նպատակին»,- ասել է Թրամփը։

«Դուք արժանի եք այնպիսի կառավարության, որը պաշտպանում և հարգում է իր քաղաքացիներին, որը պաշտպանում է ձեր ինքնիշխանությունը, անվտանգությունը, արժանապատվությունն ու ազատությունը», – ասել է Թրամփը։

ԱՄՆ նախագահի թեկնածուն քննադատել է իր քաղաքական հակառակորդներին.

«Վերջին ութ տարիների ընթացքում մեզ խանգարել ցանկացողները ծաղրել են ինձ, մեղադրել տարբեր բաների մեջ, փորձել են հանել իմ անունը քվեաթերթիկից, ով գիտի, գուցե նույնիսկ փորձել է սպանել ինձ։ Բայց ես երբեք չեմ դադարի պայքարել քեզ համար»,- ասել է Թրամփը։

Հանդիպմանը մասնակցել են փոխնախագահի թեկնածու Ջեյմս Դեյվիդ Վենսը, Թրամփի որդին՝ Էրիկ Թրամփը և միլիարդատեր Իլոն Մասկը, ովքեր ելույթ են ունեցել Թրամփի կողմնակիցների հետ հանդիպմանը։

Նրա խոսքով՝ Թրամփը պետք է հաղթի «Ամերիկայի սահմանադրությունն ու ժողովրդավարությունը պահպանելու համար»։

«Սա ամենակարևոր ընտրություններն են մեր կյանքում։ ԱՄՆ-ում սահմանադրությունն ու ժողովրդավարությունը պահպանելու համար Դոնալդ Թրամփը պետք է հաղթի»,- ասել է Մասկը։