Դոնալդ Թրամփ – Պատժամիջոցները չեն մեղմացվի, Իրանը կհրաժարվի բարձր հարստացված ուրանից, բայց ոչ պատժամիջոցների մեղմացման դիմաց

Իրանը շատ է ցանկանում գործարք կնքել, հայտարարել է ԱՄՆ նախագահ Դոնալդ Թրամփը կաբինետի նիստից առաջ։

Սպիտակ տան ղեկավարը նշել է, որ չնայած իրենց ջանքերին, Իրանը դեռևս չի կարողացել գործարք կնքել, և Վաշինգտոնը դժգոհ է դրանից։

«Նրանք դեռևս համաձայնության չեն եկել։ Մենք գոհ չենք դրանից, բայց մենք գոհ կլինենք, կամ պարզապես ստիպված կլինենք ավարտել աշխատանքը», – ասել է Թրամփը։

ԱՄՆ նախագահը նաև ասել է, որ Իրանի բանակցային թիմը այլընտրանք չունի, քան կնքել այնպիսի գործարք, որը ԱՄՆ-ն է ցանկանում։

Թրամփն ասել է, որ Իրանը չի ստանա պատժամիջոցների մեղմացում, նույնիսկ եթե հրաժարվի բարձր հարստացված ուրանի իր պաշարներից։

«Պատժամիջոցների մեղմացում չի լինի։ Նրանք կհրաժարվեն իրենց բարձր հարստացված ուրանից, բայց ոչ պատժամիջոցների մեղմացման դիմաց», – ասաց Դոնալդ Թրամփը։