Դոնալդ Թրամփ. Մենք բանակցում ենք ՀԱՄԱՍ-ի հետ, մենք օգնում ենք Իսրայելին բանակցություններում, քանի որ խոսքը պատանդների մասին է, ես ազատ եմ արձակել 59 պատանդի, իսկ Համասին ոչինչ չենք տվել դրա դիմաց
ԱՄՆ նախագահ Դոնալդ Թրամփը հաստատել է, որ ԱՄՆ-ը բանակցություններ է վարում ՀԱՄԱՍ-ի հետ՝ կապված իսրայելցի և ամերիկացի պատանդների հետ:
Այս մասին Թրամփը հայտարարել է Օվալաձև աշխատասենյակում լրագրողների հետ զրույցում։
«Մենք բանակցում ենք ՀԱՄԱՍ-ի հետ: Մենք օգնում ենք Իսրայելին այս բանակցություններում, քանի որ դա վերաբերում է իսրայելցի պատանդներին: Մենք ոչինչ չենք տալիս ՀԱՄԱՍ-ին. Մենք վեց միլիարդ դոլար չենք տալիս, ինչպես տալիս են մյուս վարչակազմերը։ Իրականում ես ազատ արձակեցի 59 պատանդի, և դրա դիմաց ոչինչ չստացանք»,- ասել է Թրամփը։
Ավելի վաղ Մերձավոր Արևելքի հարցերով Դոնալդ Թրամփի հատուկ ներկայացուցիչ Սթիվ Ուիտկոֆը նշել էր, որ վերջին օրերին ԱՄՆ-ի և ՀԱՄԱՍ-ի միջև դեմ առ դեմ բանակցություններ են տեղի ունեցել, և խմբին հաղորդագրություն է տրվել, որ Միացյալ Նահանգները ցանկանում է, որ պատանդները վերադառնան տուն։