Կոլորադոյի Գերագույն դատարանի որոշումը բռնապետության սկիզբն է, հայտարարել է ԱՄՆ նախկին նախագահ Դոնալդ Թրամփը։

Թրամփն ասել է, որ Կոլորադոյի Գերագույն դատարանի բոլոր դատավորները նշանակվել են դեմոկրատների կողմից, և որ ինքը անմիջապես բողոքարկելու է որոշումը:

«Սորոսի կողմից ֆինանսավորվող դեմոկրատները կանգնած են այս արատավոր դատավարության հետևում և անմիջապես կկիրառեն որոշումը մնացած 49 նահանգներում: Նահանգի Գերագույն դատարանի դատավորները, որոնք նշանակվել էին դեմոկրատների կողմից, հենց նոր հանեցին իմ անունը Կոլորադոյի 2024 թվականի քվեաթերթիկից: Մենք անմիջապես կբողոքարկենք այս որոշումը»,- ասված է Թրամփի հայտարարության մեջ։

ԱՄՆ նախկին նախագահի խոսքով՝ ինքը թույլ չի տա ձախ դատավորներին «գողանալ ամերիկացիների մեծամասնության ձայները»։

«Մենք այս պայքարը տանելու ենք ԱՄՆ Գերագույն դատարան: Հուսով եմ՝ ամերիկացիներն ամենուրեք արթնանում են՝ տեսնելով, թե ինչ է կատարվում մեր երկրում։ Իշխող կուսակցությունը փորձում է տոտալ վերահսկողություն հաստատել Ամերիկայի վրա՝ կեղծելով ընտրությունները։ Առաջատար մրցակից, ով քաղաքական կողմնակից է, որը պարտավորվում է պաշտպանել աշխատասեր ամերիկացիների կարիքներն ու շահերը: Ահա թե ինչպես է ծնվում բռնապետությունը։ Ես առաջադրվել եմ որպես նախագահ, որպեսզի լինեմ ամերիկացի ժողովրդի ձայնը և պաշտպանը, և դա ներառում է ձեր ընտրելու իրավունքի պաշտպանությունը: Ես թույլ չեմ տա ձախակողմյան դատավորներին գողանալ ամերիկացիների մեծամասնության ձայները»,- ասել է Թրամփը։

ԱՄՆ Կոլորադո նահանգի Գերագույն դատարանն արգելել է ԱՄՆ նախկին նախագահ Դոնալդ Թրամփին մասնակցել նահանգում անցկացվող 2024 թվականի փրայմերիզին: