Դոնալդ Թրամփը հայտարարում է, որ Իրանը կրկին խախտել է հրադադարի համաձայնագիրը և հարձակվել է բրիտանական և ֆրանսիական նավերի վրա։

Նա ասաց, որ Իրանը չի կարող փակել Հորմուզի նեղուցը, քանի որ ԱՄՆ-ն արդեն իսկ փակել է այն։

Սպիտակ տան ղեկավարն ասաց, որ այլևս չի լինելու «լավ տղան»։

«Իրանը երեկ որոշեց արկեր արձակել Հորմուզի նեղուց՝ մեր հրադադարի համաձայնագրի լիակատար խախտում։ Դրանցից շատերը ուղղված էին ֆրանսիական և բրիտանական բեռնատար նավերի դեմ։ Դա լավ չէր, այնպես չէ՞։ Իմ ներկայացուցիչները մեկնում են Իսլամաբադ, Պակիստան, նրանք այնտեղ կլինեն վաղը երեկոյան՝ բանակցությունների համար։ Իրանը վերջերս հայտարարեց, որ փակում է նեղուցը, ինչը տարօրինակ է, քանի որ մեր շրջափակումն արդեն փակել է այն։ Նրանք օգնում են մեզ՝ չգիտակցելով դա, և օրական կորցնում են 500 միլիոն դոլար՝ փակելով անցուղին։ Միացյալ Նահանգները ոչինչ չի կորցնում։ Իրականում, շատ նավեր այժմ ուղևորվում են ԱՄՆ, Տեխաս, Լուիզիանա և Ալյասկա՝ բեռնվելու, «Պահապանների կորպուսը» միշտ ցանկանում է լինել «ուժեղ տղաներ»։ «Մենք առաջարկում ենք շատ արդար և ողջամիտ գործարք, և ես հույս ունեմ, որ նրանք կընդունեն այն, քանի որ եթե չընդունեն, Միացյալ Նահանգները կպայթեցնեն Իրանի բոլոր էլեկտրակայաններն ու բոլոր կամուրջները։ Ես այլևս լավ տղա չեմ լինի։ Նրանք արագ, հեշտությամբ կընկնեն, և եթե նրանք չընդունեն գործարքը, ինձ համար մեծ պատիվ կլինի անել այն, ինչ պետք է արվի, այն, ինչ մյուս նախագահներն արել են Իրանի համար վերջին 47 տարիների ընթացքում։ Ժամանակն է վերջ դնել իրանական սպանող մեքենային», – գրում է Դոնալդ Թրամփը։