«Հենց նոր ինձ տեղեկացրին, որ այս ամիս Ուկրաինայի հետ անիմաստ պատերազմում գրեթե 20 000 ռուս զինվոր է զոհվել, իսկ տարվա սկզբից Ռուսաստանը կորցրել է 112 500 զինվոր», – գրել է ԱՄՆ նախագահ Դոնալդ Թրամփը սոցիալական ցանցում։

ԱՄՆ նախագահի խոսքով՝ սա հսկայական և անպետք մահեր են։

«Այնուամենայնիվ, Ուկրաինան ևս մեծ կորուստներ է կրել։ 2025 թվականի հունվարի 1-ից նրանք կորցրել են մոտ 8000 զինվոր, և այս թիվը չի ներառում կորած զինծառայողներին։ Ուկրաինան նաև կորցրել է խաղաղ բնակիչներ, սակայն ավելի փոքր քանակությամբ, քանի որ ռուսական հրթիռները հարվածել են Կիևին և Ուկրաինայի այլ վայրերին։ Սա պատերազմ է, որը երբեք չպետք է լիներ – սա Բայդենի պատերազմն է, ոչ թե «Թրամփինը»։ Ես այստեղ միայն այն բանի համար եմ, որ տեսնեմ՝ կարո՞ղ եմ այն կանգնեցնել», – գրել է Թրամփը։