Դոնալդ Թրամփ. Ավարտեցի հեռախոսազրույցը Կանադայի վարչապետի հետ, շատ հարցերի շուրջ հասանք համաձայնության, Կանադայի ընտրություններից հետո անմիջապես կհանդիպենք
ԱՄՆ նախագահի՝ Դոնալդ Թրամփի և Կանադայի վարչապետ Մարկ Կառնիի միջև տեղի է ունեցել հեռախոսազրույց։ Այս մասին Դոնալդ Թրամփը գրել է սոցիալական ցանցում։
Ինչպես գրում է Թրամփը, զրույցը եղել է արդյունավետ։
«Անմիջապես ավարտեցի հեռախոսազրույցը Կանադայի վարչապետ Մարկ Կառնիի հետ։ Զրույցը շատ արդյունավետ էր, մենք շատ հարցերի շուրջ համաձայնության հասանք։ Կանադայի ընտրություններից հետո անմիջապես կհանդիպենք միմյանց՝ աշխատելու քաղաքականության, բիզնեսի և բոլոր այն գործոնների վրա, որոնք վերջնական հաշվով օգտակար կլինեն ինչպես ԱՄՆ-ի, այնպես էլ Կանադայի համար։ Շնորհակալ եմ այս հարցի հանդեպ ուշադրության համար», – գրել է Դոնալդ Թրամփը։
Հիշեցնենք, որ ավելի վաղ Կառնին հայտարարել էր, որ ծրագրում է հեռախոսազրույց ունենալ Դոնալդ Թրամփի հետ։ Սա երկու առաջնորդների առաջին հեռախոսազրույցն էր այն բանից հետո, երբ Մարկ Կառնին զբաղեցրեց Կանադայի վարչապետի պաշտոնը։