Դմիտրի Պեսկովը վաղաժամ է համարում Ուկրաինայի միջոցով Եվրոպա ռուսական գազի մատակարարումների վերսկսման մասին խոսելը. «Ներկայիս իրավիճակը ցույց է տալիս, որ նման ծրագրերի իրականացումը այս փուլում անհնար է»
Դեռ վաղաժամ է այս մասին խոսելը։ Ներկա իրավիճակը հստակ ցույց է տալիս, որ նման ծրագրերի իրականացումը այս փուլում անհնար է։ Ինչ վերաբերում է ապագային, ժամանակը ցույց կտա», – ասել է Կրեմլի խոսնակ Դմիտրի Պեսկովը՝ պատասխանելով Ուկրաինայի միջոցով Եվրոպա ռուսական գազի մատակարարումների վերսկսման հնարավորության մասին հարցին։
Ավելի վաղ Wall Street Journal-ը հայտնել էր, որ ԱՄՆ-ն փորձում է վերսկսել Ուկրաինայի միջոցով Եվրոպա ռուսական գազի մատակարարումները։
«Ամեն ինչ կախված կլինի ինչպես գնորդների, այնպես էլ վաճառողների ցանկություններից և վաճառողների հնարավորություններից։ Ինչպես գիտեք, գազի շուկան շատ ավելի մեծ է, քան եվրոպական շուկան, չնայած Եվրոպան գազի վաճառքի առումով պրեմիում շուկա է։ Բացի այդ, ինչպես գիտեք, տնտեսական աճի համաշխարհային կենտրոնները գտնվում են Եվրոպայից հեռու։ Դրանք գտնվում են այսպես կոչված կոլեկտիվ հարավում», – ասել է Պեսկովը։